Meksikaning Sinaloa shtatida noma’lum jinoyatchilarning qurolli konvoyga hujumi tufayli olti askar halok bo‘ldi. Yana 9 kishiga tibbiy yordam ko‘rsatilmoqda, ularning ahvoli og‘ir ekanligi bildirilgan, deya xabar beradi “TASS”.
30-sentabr, juma kuni tongda bir necha yo‘ltanlamasda harakatlangan jinoyatchilar, ularning yarador sherigini olib ketayotgan armiya konvoyiga hujum qilgan.
Rasmiylarga ko‘ra, ular nafaqat “AK-47” va AR-15 avtomatlari, balki Barret yirik kalibrli vintovkalari hamda granatalardan ham foydalangan.
Jinoyatchilar harbiylarning ikki yo‘ltanlamasini yoqib yuborgan va o‘z sherigini qutqarishga muvaffaq bo‘lgan.
Hozirda hodisa joyida rasmiylar tomonidan hujum uyushtirganlarni qidirish bo‘yicha maxsus operatsiya o‘tkazilmoqda.
Izoh (0)