Qozog‘istonda uzatilayotgan qiz uchun qalin olishning yangicha usuli o‘ylab topildi. Bu haqda Knews xabar bermoqda.
Bo‘lajak kelinning qarindoshlari uning nomiga maksimal darajada katta kreditni rasmiylashtirmoqda. U pulni olib, uyida qoldiradi, kelin olgan kreditni to‘lash esa kuyovning zimmasiga tushadi.
Hisob-kitoblarga ko‘ra, dollar kursi 185 tenge bo‘lgan payt qalin uchun o‘rtacha 150—200 ming atrofida pul sarflangan bo‘lsa, hozirda, kurs 330 tengedan oshgan bir vaqtda 1000 dollardan kam qalin puli berish hurmatsizlikdek baholanmoqda.
Bundan tashqari, qalin miqdori hududlar bo‘yicha ham farqlanadi. Masalan, Arqaliqda qalin 400 ming tengeni tashkil etsa, Aqtauda 1,5 million tengegacha borishi mumkin.
Qolaversa, mablag‘dan tashqari, shahar yoki ovul bo‘lishidan qat’iy nazar, qalinning yoniga mol-qo‘y, gilam, idish-tovoq va boshqa buyumlar ham qo‘shiladi.
Izoh (0)