AQSh hukumati shu yil boshida Tehron bir nechta amerikalik mahbuslarni ozod etishi evaziga Eronning ikkita davlat bankiga qarshi kiritilgan BMT sanksiyalarini olib tashlashga rozi bo‘lgan edi, deb yozadi “TASS”.
Ta’kidlanishicha, dastlab, banklarga qarshi jazo choralarini 2023-yilgacha saqlab qolish rejalashtirilgan edi. The Wall Street Journal nashrining AQSh Kongressidagi manbalariga ko‘ra, Sepah va (uning xalqaro filiali) Sepah International banklarini BMT Xavfsizlik Kengashi sanksiya ro‘yxatidan olib tashlash juda aniq shartlarga ega bitimning bir qismi bo‘lgan.
Uning shartlari ichiga Tehron tomonidan to‘rt nafar amerikalikning ozod etilishi va Vashington tomonidan Eronga 1,7 milliard dollar naqd pul yuborilishi kirgan. Kelishuv 17-yanvar, Eron turmadan amerikalik fuqarolarni chiqarib yuborgan kuni amalga oshdi, shu kunning o‘zida Xavfsizlik Kengashi ushbu banklardan sanksiyalarni olib tashladi.
Vashington avvalroq to‘rt nafat amerikalikni qamoqdan ozod qilgani evaziga Eronga qandaydir shaklda to‘lov to‘laganini rad etgan edi. Oq uy Eronga 1,7 milliard dollar yuborilganini tan olgan, ammo bunda gap Eron 1979-yilda Amerika quroli uchun to‘lagan mablag‘ni Tehronga qaytarish haqida borayotganini ta’kidlagan edi.
Izoh (0)