Aktyor Bred Pitt turmush o‘rtog‘i Anjelina Jolining aktyor farzandlarga nisbatan shafqatsiz munosabatda bo‘lgani haqidagi ayblovlaridan so‘ng o‘z xohishiga ko‘ra alkogol va giyohvand moddalar bo‘yicha analiz topshirdi, deb xabar bermoqda TMZ.
Giyohvand moddalar va alkogol iste’mol qilishda ayblangan Bred Pitt shu tariqa hech narsani yashirmayotganini ko‘rsatmoqchi bo‘ldi.
Shuningdek, Pitt ushbu ish yuzasidan yuzaga kelishi mumkin bo‘lgan “mubolag‘alar”ning oldini olishga qaror qildi.
Tahlil natijalari hozircha noma’lum.
Ma’lumotlarga ko‘ra, 14-sentabr kuni aktyor turmush o‘rtog‘i Anjelina Joli va bolalari bilan xususiy samolyotdagi parvoz chog‘ida to‘satdan asabiylashib, bolalarga baqira ketgan va hatto 15 yoshli o‘g‘li Meddoksga qo‘l ko‘targan.
Taxminlarga ko‘ra, Pitt alkogol ichimlik ta’siri ostida bo‘lgan. Voqea yuzasidan ish qo‘zg‘atilib, juftlik so‘roq qilingan. Ularning farzandlari ham so‘roq qilinishi rejalashtirilgan.
Bred Pittga yaqin manbaning ma’lum qilishicha, aktyor unga nisbatan qo‘yilgan ayblovlarni inkor etmoqda. Aynan mana shu hodisa juftlikning ajrashishiga sabab bo‘lgani aytilmoqda.
20-sentabr kuni Anjelina Jolining advokati uning mijozi Bred Pitt bilan ajrashmoqchi ekanini tasdiqladi. Nikohni bekor qilish uchun asos sifatida aktrisa eri bilan, xususan, bolalarni tarbiyalash masalasida jiddiy ixtilofdaligini bildirgan.
Ma’lumot uchun, 2004-yildan buyon uchrashib yurgan Joli va Pitt 2014-yilda nikohdan o‘tgan edi. Juftlik uch farzand ko‘rgan, shuningdek, uch bolani asrab olgan.
Izoh (0)