Kanadalik taniqli xonanda Jastin Biber “Xartvall-Arena” muz maydonida Finlyandiyaning “Yokerit” xokkey klubi afsonaviy o‘yinchilari bilan mashg‘ulot o‘tkazdi. Bu haqda Xelsinki klubi rasmiy saytida ma’lum qilindi, deya xabar beradi “TASS”.
Xelsinkiga o‘zining konsert sayohati doirasida kelgan Biber mashg‘ulotdan so‘ng klub bosh menejeri, NHL sobiq yulduzi Yari Kurri, shuningdek, boshqa o‘yinchilar bilan birga suratga tushdi.
“Biber o‘zining Joker ramzi tushirilgan, ayni vaqtda fin xokkey klubi emblemasiga juda o‘xshash tatusini ham namoyish etdi”, — deyiladi agentlik xabarida.
Izoh (0)