Актёр Брэд Питт турмуш ўртоғи Анжелина Жолининг актёр фарзандларга нисбатан шафқатсиз муносабатда бўлгани ҳақидаги айбловларидан сўнг ўз хоҳишига кўра алкогол ва гиёҳванд моддалар бўйича анализ топширди, деб хабар бермоқда TMZ.
Гиёҳванд моддалар ва алкогол истеъмол қилишда айбланган Брэд Питт шу тариқа ҳеч нарсани яширмаётганини кўрсатмоқчи бўлди.
Шунингдек, Питт ушбу иш юзасидан юзага келиши мумкин бўлган «муболағалар»нинг олдини олишга қарор қилди.
Таҳлил натижалари ҳозирча номаълум.
Маълумотларга кўра, 14 сентябрь куни актёр турмуш ўртоғи Анжелина Жоли ва болалари билан хусусий самолётдаги парвоз чоғида тўсатдан асабийлашиб, болаларга бақира кетган ва ҳатто 15 ёшли ўғли Мэддоксга қўл кўтарган.
Тахминларга кўра, Питт алкогол ичимлик таъсири остида бўлган. Воқеа юзасидан иш қўзғатилиб, жуфтлик сўроқ қилинган. Уларнинг фарзандлари ҳам сўроқ қилиниши режалаштирилган.
Брэд Питтга яқин манбанинг маълум қилишича, актёр унга нисбатан қўйилган айбловларни инкор этмоқда. Айнан мана шу ҳодиса жуфтликнинг ажрашишига сабаб бўлгани айтилмоқда.
20 сентябрь куни Анжелина Жолининг адвокати унинг мижози Брэд Питт билан ажрашмоқчи эканини тасдиқлади. Никоҳни бекор қилиш учун асос сифатида актриса эри билан, хусусан, болаларни тарбиялаш масаласида жиддий ихтилофдалигини билдирган.
Маълумот учун, 2004 йилдан буён учрашиб юрган Жоли ва Питт 2014 йилда никоҳдан ўтган эди. Жуфтлик уч фарзанд кўрган, шунингдек, уч болани асраб олган.
Изоҳ (0)