Yaponiyaning Omron kompaniyasi tomonidan ishlab chiqarilgan, stol tennisi bo‘yicha inson bilan raqobatlasha oladigan hamda unga murabbiylik qila oladigan Forpheus nomli robot Ginnesning rekordlar kitobi sertifikatini qabul qildi, deb xabar bermoqda TJournal.
Robot ping-pong stoliga mahkamlangan ikkita ustunga o‘rnatilgan. U soniyasiga 80 ta kadr olishga qodir bo‘lgan kameralar bilan jihozlangan. Kameralar to‘pning trayektoriyasini aniqlaydi va androidga mahkamlangan raketkani unga yo‘naltiradi.
Xabarda qayd etilishicha, robot qaytarishga oson bo‘lgan zarbalarni beradi hamda to‘p trayektoriyasi va uning qo‘nish nuqtasini stolning o‘zida hisoblab chiqadi. Ixtirochilarning aytishicha, shu orqali stol tennisini o‘rganmoqchi bo‘lganlar robot bilan shug‘ullanishiga imkon beradi.
Bundan tashqari, Forpheus o‘zi ham o‘rgana oladigan mashina hisoblanadi — u odamga moslashishi va undan o‘rganishga qodir.
Izoh (0)