AQShning birinchi qora tanli prezidenti Barak Obama Vashingtonda mamlakatdagi ilk afroamerikaliklar tarixi muzeyini rasman ochib berdi. Bu haqda “Interfaks” xabar bermoqda.
Obama ochilish marosimida afroamerikalarni “ozodlikka bo‘lgan umumiy yo‘l”ni ifodalovchi mazkur muzeyga kelib, “o‘zlarining nimalarga qodir ekanliklarini ko‘rish”ga chaqirdi.
Britaniyalik me’mor Devid Ajay tomonidan loyihalashtirilgan va 540 million dollar evaziga barpo etilgan bino poytaxtdagi Milliy xiyobonda joylashgan bo‘lib, uni qurish haqidagi farmoyish 2003-yili kichik Jorj Bush tomonidan imzolangandi.
Muzeydan 36 mingta eksponat, jumladan, tramvaylarning qora tanlilar uchun ajratilgan vagonlaridan tortib, Chak Berrining qizil Cadillac kabrioletigacha o‘rin olgan.
Izoh (0)