Qutqaruvchilar Rossiyaning Moskva viloyatida Favqulodda vaziyatlar vazirligiga tegishli Mi-8 vertolyoti qulagan joyda 3 nafar ekipaj a’zosining jasadini topdi. Bu haqda, mahalliy shoshilinch xizmatlardagi manbaga tayanib, “Interfaks” xabar berdi.
“Vertolyot qulagan joydagi yong‘in bartaraf etildi. Uch nafar halok bo‘lganlarning jasadi topildi”, — deya ma’lum qildi manba.
Mi-8 vertolyoti 21-sentabr, chorshanba kuni kechki payt Moskva viloyatining Lyubertsi tumani, Oktyabrskiy aholi punkti yaqinida halokatga uchradi.
Vertolyot Rossiya FVVning Jukovskiy aviamarkaziga tegishli edi. Halokat sabablari sifatida uchuvchi xatosi va texnika pand bergani ehtimollari ko‘rib chiqilmoqda.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)