Belgiya qirg‘oqlar yaqinida ikki neft tankerining to‘qnashuvi yuz berdi. Bu haqda “RBK” xabar bermoqda.
Hodisa Shimoliy dengiz akvatoriyasida, sohildan 30 kilometr uzoqlikda ro‘y berdi. Dastlabki ma’lumotlarga ko‘ra, bir neft tankeri langarda turgan va neft mahsulotlarini tashimayotgan boshqa tankerga kelib urilgan.
“Hech kim jabrlanmadi. Hozircha faqat moddiy zarar haqida gapirish mumkin. Tankerlardan sizish sodir bo‘lmadi, ularning cho‘kish xavfi ham yo‘q”, — deya ta’kidladi Belgiya qutqaruv xizmati vakili Rejan Gissen.
Kemalarning to‘qnashuv sababi ma’lum emas. Ulardan biri Liberiya, yana biri Marshall orollari bayrog‘i ostida suzgan.
Izoh (0)