Rossiya mudofaa vazirligi AQShning Rossiya Aleppodagi gumanitar konvoyga aviazarba bergani haqidagi ayblovlarini rad etdi, deb yozadi “Interfaks”.
“Rossiya samolyotlari Urum-al-Kubra aholi punkti hududida hech qanday zarba berishni rejalashtirmagan ham, buni amalga oshirmagan ham”, — dedi Rossiya mudofaa vazirligi rasmiy vakili.
U rossiyalik harbiylarda 19-sentabr kuni kechqurun, go‘yoki, gumanitar konvoyga aviazarba berilgan paytda havodagi vaziyatni xolis nazorat qilish bo‘yicha ma’lumotlar borligini qo‘shib qo‘ydi.
Rossiyalik harbiylar AQShlik hamkasblarini Rossiya aviatsiyasi o‘sha kuni Aleppo yaqinida bo‘lmagani haqida xabardor qilgan.
Avvalroq Suriyaning Aleppo viloyatiga yuborilgan BMT gumanitar konvoyi hujumga uchraganligi haqida ma’lum qilingan edi. BMT matbuot kotibi Stefan Duyarichning so‘zlariga qaraganda, konvoy 31 ta avtomobildan iborat bo‘lib, uning 18 tasi o‘qqa tutilgan.
Izoh (0)