НАТО 2017 йил майигача Болтиқ мамлакатлари ва Польшага ўзининг янги батальонларини жойлаштиришни режалаштирмоқда, баъзи бўлинмалар жойлаштириш жойига 4 минг нафаргача бўлган ҳарбий хизматчидан иборат асосий қўшинлар гуруҳидан эртароқ етиб келади. Бу ҳақда The Wall Street Journal газетасининг электрон версияси маълум қилди, деб ёзади «ТАСС».
НАТО ҳарбий қўмитаси раиси, чехиялик генерал Петр Павел сўзларига кўра, бўлинмалар келаси йилнинг биринчи ярмида етиб келишни бошлайди. Шу билан бирга, бир мингга яқин ҳарбий хизматчи Польшага апрелдаёқ жойлаштирилади.
«Ушбу тўртта жанговар гуруҳ ҳақида гапирар эканмиз, биз уларнинг нафақат машқ мақсадларидаги иштирокини назарда тутамиз, — деди Павел. — Ушбу кучлар тийиб туриш ва, агар зарур бўлса, ҳужум қилиш воситалари бўлиб хизмат қилиши керак».
Нашр эслатишича, июль ойида НАТОнинг Варшавадаги саммитида альянснинг шарқий қанотини мустаҳкамлаш мақсадида Литва, Латвия, Эстония ва Польшага биттадан халқаро батальон жойлаштириш ҳақида қарор қабул қилинган эди.
Изоҳ (0)