Tailandda musulmon ziyoratchilarni olib kelayotgan parom cho‘kishi tufayli 13 kishi halok bo‘ldi

Tailandning markaziy qismidagi Ayuttxaya shahri yaqinida 18-sentabr, yakshanba kuni daryo paromi cho‘kishi oqibatida kamida 13 kishi halok bo‘ldi, o‘nlab kishi bedarak yo‘qoldi. Bu haqda mahalliy politsiya ma’lum qildi, deb xabar beradi “TASS”.

Politsiyaga ko‘ra, Chaoprayya daryosi bo‘ylab 150 kishini olib ketayotgan parom ko‘prik ustuniga urilgan va Bangkokdan 80 kilometr uzoqlikda cho‘kib ketgan. Halok bo‘lganlar orasida bolalar ham bor.

Parom Ayuttxayadan Bangkokka diniy marosimdan qaytayotgan musulmon ziyoratchilar tomonidan ijaraga olingani bildirilmoqda