AQSh va Isroil xavfsizlik sohasida 38 mlrd dollarlik bitim imzolaydi

AQSh va Isroil Vashington tomonidan Tel-Avivga 10 yil davomida 38 milliard dollar miqdoridagi harbiy yordam ko‘rsatilishi yuzasidan yakuniy kelishuvga erishdi, deya xabar bermoqda “Kommersant”.

Reuters agentligi axborotiga ko‘ra, mazkur hujjat yaqin orada imzolanishi kutilmoqda.

Ushbu kelishuv yiliga kamida 3,8 milliard dollar ajratilishini ko‘zda tutadi (amaldagi shartnoma bo‘yicha yillik yordam hajmi 3,1 milliard dollardan iborat).

Aslida Isroil buni 4,5 milliard dollardan ko‘proqqa oshirishni so‘ragan edi. Shunday bo‘lsa-da, erishilgan bitim rekord darajada hisoblanadi — AQSh dunyoning biror davlatiga bunchalik katta hajmda harbiy yordam ko‘rsatmagan.

Isroil kelishuv yuzasidan muzokaralar chog‘ida AQShga yon berishiga ham to‘g‘ri keldi. Xususan, har yili ajratiladiganlaridan tashqari Kongressdan qo‘shimcha mablag‘ so‘ramaslik, shuningdek, beriladigan mablag‘ning bir qismini AQSh harbiy texnikasi o‘rniga mahalliy qurol-yarog‘ uchun sarflash kabilarni qayd etib o‘tish mumkin.

Muzokaralar chog‘ida tomonlar o‘rtasida Falastin masalasida ziddiyat kuzatilgani ham bildirilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.