Shanxay hamkorlik tashkiloti Mintaqaviy aksilterror tuzilmasi kengashi (ShHT MATK) terrorchi-xudkushlar haqidagi ma’lumotlar bazasini shakllantirishga qaror qildi. Bu haqda “Kommersant” xabar bermoqda.
Rossiya federal xavfsizlik xizmati (FXX) direktori birinchi o‘rinbosari Sergey Smirnovning ma’lum qilishicha, ushbu tashabbus Rossiyadan chiqqan.
MATK doirasida qidiruv reyestri va terrorizmga qarshilik ko‘rsatish bo‘yicha ma’lumotlar bazasi mavjud. Bugungi kunga kelib mazkur bazada 2,5 ming kishi va 69 tashkilot haqida ma’lumotlar bor.
“Xudkushlar istiqomat joyidan yashiringan kishilar bo‘lib, hech kim ularning qayerda ekanligi, qaysi hududda ehtimoliy tayyorgarlikdan o‘tayotganlarini bilmaydi. Yashash joyida uzoq vaqt bo‘lmayotgan kishilarga nisbatan aniq choralar ko‘riladi va bu ham tuzilmaning umumiy reyestri bo‘ladi”, — deya ma’lum qildi FXX direktorining birinchi o‘rinbosari.
Avvalroq ShHT maxsus xizmatlari Qirg‘iziston poytaxti Bishkekdagi Xitoy elchixonasi yaqinida yuz bergan teraktga kelib chiqishi Tojikiston, Xitoy va Rossiyaga taqaladigan shaxslar aloqador ekanligini aniqlagani haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)