Inditex xoldingi (Zara, Pull&Bear va Massimo Dutti brendlari) asoschisi Amansio Ortega Microsoft asoschilaridan biri Bill Geytsdan dunyoning eng badavlat kishisi maqomini tortib oldi. Bu haqda Forbes ma’lumotlariga tayanib, “RBK” xabar bermoqda.
Birja savdolari ma’lumotlarini hisobga oluvchi va real vaqt tartibida yangilanib turuvchi Forbes reytingiga ko‘ra, 9-sentabr, juma kuni kechki kechki payt Ortega 78 milliard dollar mol-mulk bilan birinchi o‘ringa ko‘tarildi. Geyts esa bundan 100 million dollar kam mablag‘ bilan ikkinchi o‘ringa tushib qoldi. Taniqli investor Uorren Baffet 66,9 milliard dollar bilan uchlikni yakunlab berdi.
Ispaniyaning badavlat tadbirkori va dunyodagi eng boy reteyler sanaladigan Amansio Ortega 2015-yil kuzida ham Geytsni milliarderlar ro‘yxatida quvib o‘tgandi.
Izoh (0)