Qozog‘iston bosh vaziri Karim Masimov vazifasidan ozod etildi va Milliy xavfsizlik qo‘mitasi raisi etib tayinlandi. Nursulton Nazarboyevning bu haqdagi farmoni 8-sentabr, payshanba kuni prezident saytida joylashtirildi, deya xabar beradi “RBK”.
Bosh vazirning birinchi o‘rinbosari Bakitjon Sagintayev hukumat rahbari vazifasini vaqtincha bajaruvchi etib tayinlandi. Qozog‘istonning amaldagi hukumatiga vazirlar mahkamasining yangi tarkibi tayinlangunga qadar o‘z vazifasini bajarish topshirildi.
Ma’lumot uchun, Karim Masimov Qozog‘iston hukumatini ikki bor boshqargan: 2007—2012-yillarda va 2014-yil aprelidan hozirga qadar. 2012—2014-yillarda prezident ma’muriyatiga rahbarlik qilgandi.
Izoh (0)