Avstraliyaning shimoli-g‘arbiy sohillari yaqinidagi Dampir arxipelagida ishlayotgan arxeologlar to‘qqiz ming yil avval qurilgan tosh uylar izlarini topdi, deb yozadi The Guardian.
Aylana shakldagi tosh poydevorlar arxipelagdagi 42 ta oroldan biri — Rozmarida aniqlandi. Olimlar so‘zlariga ko‘ra, inshoot dengiz bo‘yida joylashgan. So‘nggi muz davri tugagan vaqtda okean sathi har 5—10 yilda taxminan o‘n metrga ko‘tarilishni boshlagan. Bu uylarda yashagan odamlar yashash uchun yaroqli yerlar tanqis bo‘lgan yangi sharoitga qandaydir yo‘l bilan moslashishi kerak edi.
Ayni paytda arxeologlar o‘tmishda odamlar joy yetishmasligi muammosini qanday hal qilganini tushunib yetish uchun uylarning joylashuvi sxemasini o‘rganmoqda.
Ushbu nuqtadan yuz kilometr g‘arbda, Barrou orolida tadqiqotchilar insoniyat faoliyatining ancha qadimiyroq izlarini aniqladi, uning yoshi 50 ming yilga yetadi.
Izoh (0)