Франциянинг собиқ президенти Николя Саркози, унга нисбатан суд жараёни кутилаётганига қарамай, келгуси йили яна президентлик учун курашиш ниятида. Бу ҳақда сиёсатчи 6 сентябрь, сешанба куни Париж яқинидаги Пуасси шаҳрида сайловчилар билан учрашуви чоғида маълум қилди, дея хабар беради «ТАСС».
«Ҳеч қандай баҳслар, чалғитиш, ҳийла-найранглар, улар қанчалик шармандали бўлмасин, 2017 йилда ҳокимиятни алмаштириш бўйича ҳалол ва кучли лойиҳа тузишга бўлган мутлақ ишончимдан бир баҳя ҳам қайтара олмайди», — дея таъкидлади Саркози.
Бу Саркозининг 2012 йил президентлик сайловларидаги фирибгарликлар бўйича суд бошланиши ҳақидаги хабардан сўнг омма олдидаги илк чиқиши бўлди. Ҳозирда судгача бўлган текширув билан шуғулланаётган Париж прокуратураси ишни маҳкамага оширишни режалаштирмоқда.
Изоҳ (0)