Litva prezidenti Dalya Gribauskayte mamlakat mudofaa vaziri Yuozas Olekasni lavozimini tark etishga chaqirdi. Bu haqda 6-sentabr, seshanba kuni Delphi nashri ma’lum qildi.
Davlat rahbarining da’vatiga korrupsiyali mojaro sabab bo‘ldi: vazirlik bozor bahosidan sakkiz barobar oshiq bo‘lgan narxlarda oshxona buyumlarini xarid qilishda ayblandi.
BaltNews portali ma’lumotlariga ko‘ra, Litva qurolli kuchlari 2014-yili, jumladan, non kesish uchun pichoqni 142 yevro (do‘konda 13 yevro turadi), vilkani 184, go‘sht chopish uchun boltachani 250, elakni 161, cho‘michlarni 243 va 258 yevrodan xarid qilgan. Jami ushbu maqsadlar uchun 173,8 ming yevro sarflangan.
Shu bilan birga, mamlakat bosh vaziri Algirdas Butkyavichyus mudofaa vaziriga avvalgidek ishonishini ma’lum qildi.
Izoh (0)