O‘zbekiston bosh vaziri Shavkat Mirziyoyev Qirg‘iziston Respublikasi Bosh vaziri Sooronbay Jeenbekov bilan Samarqandda muzokaralar o‘tkazdi. Bu haqda Qirg‘iziston hukumati matbuot xizmati xabar berdi. Uchrashuv 3-sentabr kuni Sooronbay Jeenbekovning O‘zbekistonga tashrifi doirasida bo‘lib o‘tdi.
Sooronbay Jeenbekov O‘zbekiston Respublikasi Birinchi Prezidenti Islom Karimov vafoti munosabati bilan Qirg‘iziston Respublikasi Prezidenti Almazbek Atambayev nomidan hamdardlik so‘zlarini izhor etdi.
Shavkat Mirziyoyev Qirg‘iziston Respublikasi Prezidentiga mamlakat va xalq uchun og‘ir kunlarda qo‘llab-quvvatlagani uchun va Sooronbay Jeenbekovga Islom Karimov bilan vidolashuv marosimida qatnashgani uchun minnatdorlik bildirdi.
Izoh (0)