Ўзбекистон бош вазири Шавкат Мирзиёев Қирғизистон Республикаси Бош вазири Сооронбай Жээнбеков билан Самарқандда музокаралар ўтказди. Бу ҳақда Қирғизистон ҳукумати матбуот хизмати хабар берди. Учрашув 3 сентябрь куни Сооронбай Жээнбековнинг Ўзбекистонга ташрифи доирасида бўлиб ўтди.
Сооронбай Жээнбеков Ўзбекистон Республикаси Биринчи Президенти Ислом Каримов вафоти муносабати билан Қирғизистон Республикаси Президенти Алмазбек Атамбаев номидан ҳамдардлик сўзларини изҳор этди.
Шавкат Мирзиёев Қирғизистон Республикаси Президентига мамлакат ва халқ учун оғир кунларда қўллаб-қувватлагани учун ва Сооронбай Жээнбековга Ислом Каримов билан видолашув маросимида қатнашгани учун миннатдорлик билдирди.
Изоҳ (0)