O‘zbekiston tashqi ishlar vaziri Abdulaziz Kamilov O‘zbekistonga tashrif buyurgan AQSh Davlat kotibining Janubiy va Markaziy Osiyo ishlari bo‘yicha yordamchisi o‘rinbosari Daniyel Rozenblyumni qabul qildi. Bu haqda 5-sentabr, dushanba kuni O‘zbekiston TIV matbuot xizmati xabar berdi.
Amerika diplomati AQSh prezidenti Barak Obamaning O‘zbekiston Prezidenti Islom Karimov vafoti munosabati bilan Amerika Qo‘shma Shtatlari nomidan hamdardlik izhor etib, O‘zbekiston ahliga dalda bildirgan maktubi matnini taqdim etgan.
“Suhbat davomida ikki tomonlama munosabatlarning ba’zi masalalari muhokama qilindi. Uchrashuvda AQSh elchisi Pamela Spratlen ishtirok etdi”, — deyiladi TIV axborotida.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)