AQSh prezidentligiga Demokratlar partiyasidan nomzod Hillari Klinton Meksika prezidenti Enrike Penya Nyetoning ushbu davlatga tashrif buyurish haqidagi taklifini qabul qilish niyatida emas. Bu haqda uning o‘zi ABC telekanaliga bergan intervyusida ma’lum qildi, deya xabar beradi “TASS”.
Prezidentlik sayloviga qadar qo‘shni davlatga borishi haqidagi savolga Hillari qisqagina “Yo‘q” deb javob berdi. U Klinton bilan ikki tomonlama munosabatlarni muhokama etish niyatini bildirgan Meksika prezidenti taklifini qabul qilmagani sababini oshkor etmadi.
Eslatib o‘tamiz, oldinroq AQSh prezidentligiga Respublikachilar partiyasidan nomzod Donald Tramp Enrike Penya Nyeto bilan uchrashib, ikki mamlakat chegarasida devor qurish g‘oyasini muhokama qilgani haqida xabar berilgandi.
Izoh (0)