Niderlandiyalik olimlar antibiotiklarni bolalikda qabul qilish kelajada allergik kasalliklar kelib chiqishi bo‘yicha katta xavfni yuzaga keltirishini ko‘rsatib berdi, deb yozadi EurekAlert!
Olimlar 1966—2015-yillarda qilingan 22 ta ishning metatahlilini o‘tkazdi. Tadqiqot hayotning ilk ikki yili davomida antibiotiklar qabul qilish kelajakda dermatit va pichan bezgagi kabi kasalliklar yuzaga kelishiga ta’siriga bag‘ishlandi.
Dermatit paydo bo‘lishi risklarini o‘rganish uchun jami 395 mingga yaqin, pichan bezgagi uchun esa 257 mingdan ziyod kishi tanlab olindi. 65 mingga yaqin kishi esa har ikkala kasallikka ega edi.
Antibiotiklarni bolalikda qabul qilish natijasida dermatit kelib chiqish xavfi 15—41 foiz bo‘lib chiqdi. Bunday holatda pichan bezgagi yuzaga kelishi ehtimoli 14—56 foizni tashkil qildi.
Dermatit va pichan bezgagi kabi allergik kasalliklar paydo bo‘lishiga, olimlar fikricha, antibiotiklar tufayli ichakdagi mikroorganizmlar yemirilishi sababchi bo‘ladi. Bu o‘z navbatida immun tizimi pasayishiga olib keladi, natijada u allergiyadan oson zararlanadigan bo‘lib qoladi.
Izoh (0)