AQSh prezidenti Barak Obama uni haqorat qilgan Filippin prezidenti Rodrigo Duterte bilan 6-sentabr, seshanba kuni uchrashmaydi. Bu haqda Oq uy qoshidagi milliy xavfsizlik kengashi rasmiy vakili Ned Prays ma’lum qildi, deya xabar beradi “TASS”.
“Prezident Obama Filippin prezidenti Duterte bilan ikki tomonlama uchrashuv o‘tkazmaydi. Buning o‘rniga 6-sentabr kunining ikkinchi yarmida Koreya Respublikasi prezidenti Pak Kin Xe bilan uchrashadi”, — deyiladi tarqatilgan xabarda.
Laosda bo‘lib o‘tayotgan AQSh — Janubi-Sharqiy Osiyo davlatlari assotsiatsiyasi sammiti doirasida Obama Duterte bilan uchrashuv o‘tkazib, Filippinda inson huquqlariga rioya etilishi muammolarini ko‘tarishi kutilayotgan edi.
Izoh (0)