Nazarboyev Xitoydan Qozog‘istonga qiymati 26,2 mlrd dollardan ziyod sanoat quvvatlari ko‘chirilishini ma’lum qildi

Xitoydan Qozog‘istonga sanoat quvvatlarini ko‘chirish dasturi umumiy summasi 26,2 milliard dollardan ziyod 51 loyihani o‘z ichiga oladi. Bu haqda mamlakat prezidenti Nursulton Nazarboyev Xitoy OAVga bergan intervyusida ma’lum qildi, deb xabar beradi “TASS”.

“Hukumatlarimiz Xitoydan Qozog‘istonga sanoat quvvatlarini ko‘chirish dasturini shakllantirdi. Ular kimyo, agrar, yengil sanoat, tog‘-metallurgiya, mashinasozlik, infrastruktura, energetika, neftni qayta ishlash, qurilish materiallari va axborot texnologiyalari sohalarini o‘z ichiga oladi”, — ta’kidladi Qozog‘iston prezidenti.

Nazarboyevga ko‘ra, hozirda mamlakatda ikkita — polipropilen va yengil avtomobil ishlab chiqarish loyihalari ishga tushirildi.

U ayni paytda 5-sentabrgacha davom etadigan tashrif bilan Xitoyda bo‘lib turibdi.