AQShda qolgan so‘nggi kasseta bombasi (bombardimonchi samolyot tashlaydigan bomba) ishlab chiqaruvchi kompaniya nazorat qiluvchi organlarni va buyurtmalar kamayganini dalil qilgan holda ushbu qurol turini tayyorlashni to‘xtatadi, deya xabar bermoqda “Interfaks”.
“Kasseta bombalarini ishlab chiqarishni to‘xtatish haqidagi qaror mavjud cheklovlar tufayli va mahsulotga buyurtmalar kamayayotgan vaziyatda qabul qilindi”, — dedi Textron Systems firmasi matbuot kotibi Metyu Kolpitsa.
Foreign Policy jurnali yozishicha, firma qarori Oq uy may oyida kasseta bombalarini Saudiya Arabistoniga yetkazib berishga veto qo‘yganidan so‘ng qabul qilindi.
“Textron Systems kasseta bombalarining so‘nggi ishlab chiqaruvchisi edi, shunday ekan, ushbu qaror ma’muriyat va kongressga AQShda ushbu qurol turini tayyorlash, yetkazib berish va ishlatishni to‘xtatish foydasiga birgalikda ishlash uchun yo‘l ochib beradi”, — dedi Human Rights Watch tashkiloti vakili Meri Verxem.
Izoh (0)