Qirg‘iziston prezidenti Almazbek Atambayev o‘z siyosiy raqiblarining davlatda hukumatni qonunga xilof ravishda tortib olish haqidagi ayblovlarini rad etdi. Bu haqda u 31-avgust, chorshanba kuni mamlakat Mustaqillik kunini nishonlash chog‘ida ma’lum qildi, deb yozadi “TASS”.
“Konstitutsiyani isloh qilish mavzusiga to‘xtalib o‘tishga majburman, chunki qator siyosatchilar meni turli jinoyatlarda, jumladan, hukumatni tortib olishga urinishda ayblashga intilmoqda”, — dedi u.
Uning so‘zlariga ko‘ra, bunday da’volar “ochiq-oydin yolg‘on”dir. Atambayev fikricha, uning dushmanlari 2010-yilda respublikada boshqaruvning parlament shaklini ko‘zda tutuvchi konstitutsiya qabul qilinganini da’vo qilgan holda, xalqni yanglishtirmoqda.
“Aslida esa gap prezident-parlament shaklida haqida bormoqda. Va o‘sha konstitutsiyada totalitarizm uchun barcha sharoitlar yaratib qo‘yilgan, shu tufayli uni o‘zgartirish kerak”, — dedi u.
Izoh (0)