Jon Makkeyn 30-avgust, seshanba kuni Arizonadagi birlamchi saylovlarda g‘olib bo‘ldi va Respublikachilar partiyasidan AQSh Kongressi Senati tarkibiga rasmiy nomzodga aylandi, deb yozadi “TASS”. 80 yoshli siyosatchi ushbu lavozimga olti muddatdan buyon o‘z nomzodini qo‘yib keladi.
Makkeyn respublikachilar orasidagi raqibi Kelli Uordni osonlik bilan ortda qoldirdi. Da’vogarlar delegatlarning tegishli ravishda 55 va 29 foiz ovozlariga ega bo‘ldi.
Makkeynning Senatga qayta saylanishi kafolatlanmagan. AQShda noyabrda bo‘lib o‘tadigan umumiy saylovlarda u Demokratik partiya vakili Enn Kirkpatrik bilan jiddiy raqobatga duch keladi. U 30-avgust kuni demokratlar praymerizida katta farq bilan g‘alaba qozondi.
Izoh (0)