Novosibirskdagi Meshalkin nomidagi qon aylanishi patologiyasi ilmiy-tadqiqot institutida yurakda bir yo‘la uch murakkab jarrohlik operatsiyasi o‘tkazildi. Bu haqda “TASS” xabar bermoqda.
Bemor kardiojarrohlik bo‘limiga og‘ir holatda olib kelindi: unda qon tomiri qatlamlarga ajralishining surunkali shakli, qon tomiri xastaligi va yurakning ishemik kasalligi kuzatilgan. Ularning har biri alohida jarrohlik aralashuvini talab etardi.
Bemor kelgusida faol hayot tarzi yuritishni xahlamoqda, mexanik protezlar o‘rnatilganidan so‘ng kerak bo‘ladigan dori-darmonlarni qabul qilishni istamadi. Kardiojarrohlar odatda bunday holatlarda o‘tkaziladigan Bentalla De Bono operatsiyasi o‘rniga shikastlangan qon tomiri klapanini bemorning o‘pka klapani bilan almashtirilishini ko‘zda tutuvchi Rossa operatsiyasi va qon tomiri qatlamlarga ajralishi, yurakning ishemik kasalligiga tegishli ikki operatsiyani o‘tkazdi.
Klinikada aniqlik kiritilishicha, asosiy operatsiya — klapanni rekonstruksiya qilish 3,5 soatda o‘tkazildi, yana 2,5 soat qolgan ikki operatsiyaga ketdi. Bemor tezda oyoqqa turdi. Unga ayni paytda kasalxonadan ruxsat berildi va uyiga qaytdi.
Izoh (0)