Osiyo futbol konfederatsiyasi 1—2-sentabr kunlari Xitoyning Shanxay shahrida “OFK elit murabbiylar forumi”ni o‘tkazadi. Unda Osiyo Chempionlar Ligasi chorak finaliga yetib borgan klublar, Olimpiya o‘yinlari va ayollar o‘rtasidagi jahon chempionati bahslarida qatnashgan milliy terma jamoalarning murabbiylari qatnashishi ko‘zda tutilgan.
Toshkentning “Lokomotiv” futbol klubi matbuot xizmati axborotiga ko‘ra, Shanxaydagi forumda klub murabbiylari — Andrey Miklyayev va Mirko Yelichich ham ishtirok etadi.
Forumdan so‘ng, “Lokomotiv” stadionida Andrey Miklyayev, Mirko Yelichich va jurnalistlar ishtirokida davra suhbati uyushtirilishi rejalashtirilgan. Mazkur tadbir sanasi keyinroq qo‘shimcha axborot beriladi.
Ma’lumot uchun, Toshkentning “Lokomotiv” futbol klubi ayni vaqtda O‘zbekiston Oliy Ligasi bahslarida peshqadamlik qilmoqda, Osiyo Chempionlar Ligasida esa chorak final bosqichiga yetib kelgan bo‘lib, 13-sentabr kuni BAAning “Al-Ayn” klubiga qarshi javob uchrashuvini o‘tkazadi — Al-Aynda bo‘lgan birinchi o‘yindan “Lokomotiv” 0:0 hisobidagi durang bilan qaytgan.
“Daryo” internet-nashri “Lokomotiv” PFKning axborot hamkori hisoblanadi
Izoh (0)