Barak Obama Rossiya prezidenti Vladimir Putin bilan Xitoyning Xanchjou shahrida bo‘lib o‘tadigan G20 sammiti doirasida uchrashishni ko‘zlamoqda. Bu haqda AQSh prezidentining milliy xavfsizlik bo‘yicha yordamchisi o‘rinbosari Ben Rods ma’lum qildi, deya xabar beradi “TASS”.
Shu bilan birga, Rods AQSh va Rossiya yetakchilarining rasmiy uchrashuvi hozircha rejalashtirilmaganini bidirdi. “Biroq ular ishtirokidagi barcha shunday anjumanlarda ularning muloqoti uchun imkon topishga harakat qilamiz, — deya ta’kidladi mansabdor. — Ularning diqqat markazida odatda Suriya va Ukraina bo‘ladi”.
Ma’lumot uchun, G20 sammiti Sharqiy Xitoyning Chjetszyan provinsiyasi ma’muriy markazi Xanchjouda 4—5-sentabr kunlari bo‘lib o‘tadi.
Izoh (0)