UFC tarixidagi eng kuchli jangchilardan biri, sobiq yengil vazn chempioni Habib Nurmagomedov oktagonga qaytish uchun taklif etilgan 40 million dollarlik shartnomani rad etgan. Bu haqda uning yaqin do‘sti, sobiq UFC chempioni Daniel Kormye ma’lum qilgan.
Daniel Kormye MMA Fighting nashriga bergan intervyusida bu haqida shunday deydi:
Habib menga aytdiki, UFC uni oktagonga qaytarish uchun 40 million dollar taklif qilgan. Lekin u bu taklifga “yo‘q” deb javob bergan. Agar u bu darajadagi pulni rad etgan bo‘lsa, demak, biz Habib Nurmagomedovni endi oktagonda hech qachon ko‘rmaymiz.
36 yoshli Nurmagomedov so‘nggi jangini 2020-yil oktabr oyida o‘tkazgan edi. O‘sha kechada u amerikalik Jastin Getjini ikkinchi raundda bo‘g‘ish usuli bilan mag‘lubiyatga uchratib, UFC yengil vazn toifasidagi vaqtinchalik va amaldagi chempionlik kamarlarini birlashtirgandi.
Shundan so‘ng, Habib professional faoliyatini yakunlaganini e’lon qilib, murabbiylik faoliyatiga o‘tgan.
Izoh (0)