28-avgust kuni Finlyandiyaning Kerava shahrida devor tepish bo‘yicha birinchi chempionat bo‘lib o‘tdi, deya xabar bermoqda “TASS”. Unda devorni ikkala oyog‘i bilan tepgan Toni Poxyola g‘olib bo‘ldi.
Musobaqalarda bor-yo‘g‘i besh kishi qatnashdi. Ishtirokchilarga devorni musiqa sadolari ostida bir necha o‘n soniya davomida tepish vazifasi berildi. Hay’at ishtirokchilarning ham akrobatikasini, ham artistizmini baholadi.
G‘olib Toni Poxyola musobaqaning bosh mukofoti — tagligiga toj o‘rnatilgan botinkani qo‘lga kiritdi.
Bunday tadbirni tashkil qilish g‘oyasi 1990-yillarda Finlyandiyada ommabop bo‘lgan “To‘polonchilar” seriali sharofati bilan paydo bo‘lgan. Serial qahramonlari ko‘pincha devorni tepib vaqt o‘tkazardi.
Izoh (0)