Hindistonning G‘arbiy Bengaliya shtati assambleyasi mintaqa hukumatining shtat nomini o‘zgartirish va undan “G‘arbiy” so‘zini olib tashlash haqidagi taklifini ma’qulladi. Shtat endi inglizchada Bengal (Bengal), bengali tilida Bangla va hindida Bangal deb nomlanishi kerak. Bu haqda shtat bosh vaziri Mamata Banerji ma’lum qildi, deya xabar beradi “TASS”.
Mahalliy OAVlarga ko‘ra, qayta nomlash haqidagi qarorni hali markaziy rasmiylar tasdiqlashi kerak, o‘zgarish, shuningdek, Hindiston konstitutsiyasiga kiritilishi lozim. Ayni paytda, qayta nomlash mazkur qaror bekor qilinishiga erishishini bildirgan qator siyosiy partiyalar noroziligiga sabab bo‘ldi.
Ma’lumot uchun, 1947-yili, Hindiston mustaqillikka erishganda, Bengaliyaning asosan musulmonlardan iborat qismi qo‘shni davlatga o‘tib, Sharqiy Pokiston, asosan hind aholisi istiqomat qiladigan qismi esa G‘arbiy Bengaliya nomini oldi. 1971-yili Sharqiy Pokiston mustaqillikka erishdi va Bangladesh davlatiga aylandi.
Izoh (0)