Ҳиндистоннинг Ғарбий Бенгалия штати ассамблеяси минтақа ҳукуматининг штат номини ўзгартириш ва ундан «Ғарбий» сўзини олиб ташлаш ҳақидаги таклифини маъқуллади. Штат энди инглизчада Bengal (Бенгал), бенгали тилида Бангла ва ҳиндида Бангал деб номланиши керак. Бу ҳақда штат бош вазири Мамата Банержи маълум қилди, дея хабар беради «ТАСС».
Маҳаллий ОАВларга кўра, қайта номлаш ҳақидаги қарорни ҳали марказий расмийлар тасдиқлаши керак, ўзгариш, шунингдек, Ҳиндистон конституциясига киритилиши лозим. Айни пайтда, қайта номлаш мазкур қарор бекор қилинишига эришишини билдирган қатор сиёсий партиялар норозилигига сабаб бўлди.
Маълумот учун, 1947 йили, Ҳиндистон мустақилликка эришганда, Бенгалиянинг асосан мусулмонлардан иборат қисми қўшни давлатга ўтиб, Шарқий Покистон, асосан ҳинд аҳолиси истиқомат қиладиган қисми эса Ғарбий Бенгалия номини олди. 1971 йили Шарқий Покистон мустақилликка эришди ва Бангладеш давлатига айланди.
Изоҳ (0)