Qirg‘iziston huquq-tartibot organlari 30-avgust, seshanba kuni ertalab Xitoy Xalq Respublikasining Qirg‘iziston Respublikasidagi elchixonasi darvozasi yonida sodir bo‘lgan portlashni tekshirmoqda, deya xabar beradi “RIA Novosti” Bishkek ichki ishlar bosh boshqarmasiga tayanib.
“Ertalab soat taxminan o‘nlarda yuz bergan portlash haqida qo‘ng‘iroq qabul qilindi, xodimlarimiz ayni paytda hodisa joyiga jo‘nab ketdi, vaziyat aniqlashtirilmoqda, bu haqda keyinroq ma’lum qilinadi”, — deyiladi xabarda.
Qirg‘iziston OAVlari xabarlariga ko‘ra, portlash Xitoy elchixonasi darvozasi oldida yuz bergan. Guvohlar yuborgan suratlarda darvozaning bir tabaqasi qo‘porilib tushgani, ichkaridan esa tutun chiqayotgani ko‘rinib turibdi. Tasdiqlanmagan ma’lumotlarga ko‘ra, elchixonasi darvozasi yonida avtomobil portlab ketgan.
Izoh (0)