Hindistonlik yuz yoshli ayol Man Kaur Vankuver (Britaniya Kolumbiyasi provinsiyasi)da yakunlangan xalqaro ommaviy poygada qatnashdi, deya xabar bermoqda “TASS”.
Yuz metrli masofani bosib o‘tish uchun keksa ayolga bir yarim daqiqa kifoya bo‘ldi. Finishda uni poyganing boshqa ishtirokchilari bilan birga, o‘g‘li — 78 yoshli Gurdev Singx kutib oldi, u ham yuz metrli masofani bosib o‘tdi.
Americas Masters Games yengil atletika musobaqalarida 30 yoshdan katta sportchilar qatnashdi va turli masofalarda o‘z kuchlarini sinab ko‘rdi.
Singxning so‘zlariga ko‘ra, uning onasi 93 yoshida yugurish bilan shug‘ullanishni boshlagan. O‘shandan buyon u 20 dan ortiq medalni qo‘lga kiritdi, shulardan uchtasi oltin medal.
O‘z yutuqlari siri deya Man Kaur yaxshi ovqatlanishi va jismoniy mashqlar bilan shug‘ullanishini aytdi.
Izoh (0)