Marg‘ilonda ikkinchi “Atlas bayrami” festivali bo‘lib o‘tadi

Marg‘ilonda 6—10-sentabr kunlari ikkinchi “Atlas bayrami” festivali bo‘lib o‘tadi. Bu haqda UzDaily xabar bermoqda.

Festival doirasida “O‘zbek tekstili va barqaror rivojlanish” mavzusidagi davra suhbati, “Marg‘ilon osmoni ostida” deya nomlangan an’anaviy tekstil va milliy liboslar dizayni namunalari ko‘rgazmasi bo‘lib o‘tadi. O‘zbek amaliy san’ati buyumlarining “Hunarmandlar shahri” yarmarkasi, YuNESKO san’at vakili Bibi Rassel va o‘zbek modelyerlarining shou-defilesi o‘tkazilishi ko‘zda tutilgan.

Shuningdek, yosh hunarmandlar uchun kashtachilik, tabiiy bo‘yash, an’anaviy liboslar dizayni, marketing va kommunikatsiya bo‘yicha amaliy mashg‘ulotlar o‘tkaziladi.