Марғилонда 6—10 сентябрь кунлари иккинчи «Атлас байрами» фестивали бўлиб ўтади. Бу ҳақда UzDaily хабар бермоқда.
Фестиваль доирасида «Ўзбек текстили ва барқарор ривожланиш» мавзусидаги давра суҳбати, «Марғилон осмони остида» дея номланган анъанавий текстиль ва миллий либослар дизайни намуналари кўргазмаси бўлиб ўтади. Ўзбек амалий санъати буюмларининг «Ҳунармандлар шаҳри» ярмаркаси, ЮНЕСКО санъат вакили Биби Рассел ва ўзбек модельерларининг шоу-дефилеси ўтказилиши кўзда тутилган.
Шунингдек, ёш ҳунармандлар учун каштачилик, табиий бўяш, анъанавий либослар дизайни, маркетинг ва коммуникация бўйича амалий машғулотлар ўтказилади.
Изоҳ (0)