Toshkentda qurilish: Yangilangan Chilonzor Oqtepa maydoni va Shota Rustaveli ko‘chasidagi yo‘l o‘tkazgichning yuqoridan ko‘rinishi

Facebook’dagi “Voditeli Tashkenta” guruhida yangilangan Chilonzor Oqtepa maydonining yuqoridan olingan fotosurati paydo bo‘ldi.

Suratdagi asosiy yo‘lning quyi qismi Nurafshon ko‘chasiga, yuqori qismi esa Muqimiy ko‘chasiga olib chiqadi. Bundan tashqari, Nurafshon ko‘chasidan to‘g‘ridan-to‘g‘ri Gulxaniy va Lutfiy ko‘chalarida, Muqimiy ko‘chasidan esa Baynalmilal va Samarqand darvoza ko‘chalariga o‘tish mumkin.

Avvalroq “Gazeta.uz” internet-nashri Muqimiy — Shota Rustaveli ko‘chalari kesishmasida qurilgan yo‘l o‘tkazgich va unga yondosh hududda amalga oshirilayotgan qurilish-obodonlashtirish ishlari aks etgan suratni e’lon qilgan edi.

Suratda yo‘l o‘tkazgich va uning yonidagi piyodalarning yer usti o‘tish yo‘li tayyor bo‘lgani, Shota Rustaveli ko‘chasiga yangi asfalt qoplamasi yotqizilayotgani va yondosh hududlar obodonlashtirilayotganini ko‘rish mumkin.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.