Daniyalik olimlar egizaklar boshqa insonlarga nisbatan ko‘proq yashashini aniqladi

Egizaklar boshqa insonlarga nisbatan ko‘proq umr ko‘radi. Daniyalik olimlar shunday xulosaga keldi, deya xabar beradi “Korrespondent.net”.

Tadqiqotlar davomida olimlar 1870—1900-yillar oralig‘ida tug‘ilgan 2932 juft bir jinsli egizaklar necha yil yashaganini tahlil qildi. O‘sha paytlarda mamlakatda erkaklarning o‘rtacha umr ko‘rish davomiyligi taxminan 45 yosh bo‘lgan. Biroq erkak egizaklar 6% ko‘proq yashagani ma’lum bo‘ldi. Ayollarning o‘rtacha umri 60 yosh bo‘lgan, ayol egizaklar esa 10 foiz ortiqroq yashagan.

Tadqiqotchilarga ko‘ra, o‘rganish natijalari egizaklar ko‘pincha bir-birini qo‘llab-quvvatlashi, yordam ko‘rsatishi va bu umr davomiyligiga ijobiy ta’sir ko‘rsatishidan dalolat bermoqda.