Tailand kurortlaridagi turkum portlash va o‘t qo‘yishlar ishi bo‘yicha bir nafar gumonlanuvchi qo‘lga olindi. Bu haqda bosh vazir o‘rinbosari va mudofaa vaziri Pravit Vongsuvan jurnalistlarga ma’lum qildi, deya xabar beradi “TASS”.
“Tergov jarayonida oldinga siljish kuzatilmoqda. Uning tafsilotlariga to‘xtalib o‘tirmayman, faqat portlash va o‘t qo‘yishlar janubda faoliyat olib borayotgan ayirmachilar bilan bog‘liq emasligini tasdiqlashim mumkin”, — deya ta’kidlagan Vongsuvan.
Eslatib o‘tamiz, Tailandning yirik kurort markazlarida 11—12-avgust kunlari 13 ta portlash ro‘y berdi. Buning oqibatida 4 kishi halok bo‘ldi, 35 kishi jarohatlandi. Jabrlanganlar orasida Yevropa davlatlaridan kelgan 10 nafar sayyoh ham bor.
Izoh (0)