Эгизаклар бошқа инсонларга нисбатан кўпроқ умр кўради. Даниялик олимлар шундай хулосага келди, дея хабар беради «Корреспондент.net».
Тадқиқотлар давомида олимлар 1870—1900 йиллар оралиғида туғилган 2932 жуфт бир жинсли эгизаклар неча йил яшаганини таҳлил қилди. Ўша пайтларда мамлакатда эркакларнинг ўртача умр кўриш давомийлиги тахминан 45 ёш бўлган. Бироқ эркак эгизаклар 6% кўпроқ яшагани маълум бўлди. Аёлларнинг ўртача умри 60 ёш бўлган, аёл эгизаклар эса 10 фоиз ортиқроқ яшаган.
Тадқиқотчиларга кўра, ўрганиш натижалари эгизаклар кўпинча бир-бирини қўллаб-қувватлаши, ёрдам кўрсатиши ва бу умр давомийлигига ижобий таъсир кўрсатишидан далолат бермоқда.
Изоҳ (0)