17-avgustning e’tiborga molik yangiliklari — “Daryo”ning kechki dayjestida.
1. O‘zbekistonda yo‘lning qatnov qismida telefondan foydalangan piyodalarga jarima solinadi. Xabarda taklif etilayotgan jarimalar miqdoriga aniqlik kiritilmagan.
2. Urush Yamanga 14 milliard dollar zarar keltirdi. Yamandagi fuqarolik urushi 16 oydan buyon davom etmoqda va 6,5 mingdan ortiq odamni hayotdan olib ketdi.
3. Toshkentdagi Nurafshon va Muqimiy ko‘chalarining qurilish va ta’mirlash ishlari olib borilayotgan qismlari 22-avgustda ochiladi. Toshkent shahar hokimligi shaharning ba’zi ko‘chalarida harakatning cheklanishi va ayrim qismlarining yopilishi bilan bog‘liq noqulayliklar uchun shahar aholisidan uzr so‘radi.
4. Xitoyda dunyodagi eng uzun va baland oynavand ko‘prikni ochishga hozirlik ko‘rilmoqda. Har kuni ko‘prik va undan turib ochiladigan manzaralarni 8 minggacha bo‘lgan kishi tomosha qilishi mumkin.
5. Forbes dunyoning eng ko‘p maosh oluvchi dijeylari reytingini tuzdi. Unda shotlandiyalik Kelvin Xarris yetakchilik qildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)