Ўзбекистонда пиёдаларга солинадиган жарима, Тошкент кўчаларида 22 августгача давом этадиган таъмир, 14 млрд доллар зарар келтирган уруш ва куннинг бошқа муҳим янгиликлари

17 августнинг эътиборга молик янгиликлари — «Дарё»нинг кечки дайжестида.

1. Ўзбекистонда йўлнинг қатнов қисмида телефондан фойдаланган пиёдаларга жарима солинади. Хабарда таклиф этилаётган жарималар миқдорига аниқлик киритилмаган.

2. Уруш Яманга 14 миллиард доллар зарар келтирди. Ямандаги фуқаролик уруши 16 ойдан буён давом этмоқда ва 6,5 мингдан ортиқ одамни ҳаётдан олиб кетди.

3. Тошкентдаги Нурафшон ва Муқимий кўчаларининг қурилиш ва таъмирлаш ишлари олиб борилаётган қисмлари 22 августда очилади. Тошкент шаҳар ҳокимлиги шаҳарнинг баъзи кўчаларида ҳаракатнинг чекланиши ва айрим қисмларининг ёпилиши билан боғлиқ ноқулайликлар учун шаҳар аҳолисидан узр сўради.

4. Хитойда дунёдаги энг узун ва баланд ойнаванд кўприкни очишга ҳозирлик кўрилмоқда. Ҳар куни кўприк ва ундан туриб очиладиган манзараларни 8 минггача бўлган киши томоша қилиши мумкин.

5. Forbes дунёнинг энг кўп маош олувчи дижейлари рейтингини тузди. Унда шотландиялик Келвин Харрис етакчилик қилди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.