Baydarkachilar musobaqasining saralash bosqichidan muvaffaqiyatli o‘tgan Aleksey Mochalov yarim finalda beshinchi natija qayd etdi.
Final yo‘llanmasini qo‘lga kiritishi uchun Mochalovdan to‘rttalikka kirish talab etilardi. Biroq finishga undan oldinroq Rossiya, Germaniya, Slovakiya va Chexiya baydarkachilari yetib keldi.
3:36:96 daqiqalik ko‘rsatkich qayd etgan o‘zbekistonlik sportchi Fransiya, Polsha va Tunis vakillaridan ildamroq harakat qildi.
Ertaga — 16-avgust kuni Aleksey Mochalov turnirning 9—16-o‘rinlaridan birini band etish uchun musobaqaga kiradi. Yarim finaldagi omadsizlikdan keyin u medallar uchun kurasha olmaydi.
Izoh (0)