Amerikalik olimlar 2084-yilga kelib global jazirama tufayli dunyoning aksariyat shaharlarida yozgi Olimpiada o‘yinlari o‘tkazib bo‘lmasligini bashorat qilmoqda. Bu haqda The Lancet jurnali ma’lum qildi.
Olimlar harorat, namlik, issiqlik radiatsiyasi va shamol tezligini hisobga olib, shunday xulosaga keldi. Tadqiqotlar chog‘i aholisi kamida 600 ming kishi bo‘lgan shaharlar ko‘rib chiqildi, chunki Xalqaro olimpiya qo‘mitasi talablariga ko‘ra, faqat shunday shaharlarda o‘yinlar o‘tkazilishi mumkin.
Hisob-kitoblarga ko‘ra, Lotin Amerikasi va Afrikada XXI asr oxirlaridan boshlab yozgi Olimpiadani o‘tkazishning iloji bo‘lmaydi. G‘arbiy Yevropada 25 shahar qoladi, ularda ham u yoki bu musobaqalar bekor qilinishi xavfi mavjud. Boshqa mintaqalarda o‘yinlar uchun yaroqli manzillar ro‘yxatida atigi 8 shahar — Sankt-Peterburg, Krasnoyarsk, Riga, Bishkek, Ulan-Bator, San-Fransisko, Kalgari va Vankuver qoldi, xolos.
Izoh (0)