O‘zbekistonlik gimnastikachi Oksana Chusovitina sportdagi faoliyatini yakunlash niyatida emasligini ma’lum qildi. Bu haqda “TASS” xabar bermoqda.
“Faoliyatimni yakunlamayman, mashg‘ulotlarni davom ettiraman”, — deya ta’kidladi sportchi Rio o‘yinlaridagi final chiqishlarini yakunlagach. Gimnastikaning tayanch sakrash bahslarida Chusovitina 14,833 ball to‘plab, sakkiz qatnashchi orasida yettinchi o‘rinni egalladi.
Ma’lumot o‘rnida, 41 yoshli gimnastikachi uchun mazkur Olimpiada faoliyatidagi yettinchisi bo‘ldi. Turli yillarda u sobiq Ittifoq, MDH, Germaniya va O‘zbekiston bayrog‘i ostida musobaqalarda ishtirok etgan.
Izoh (0)